Heildverslunin Ásbjörn Ólafsson var að opna snilldar lagersölu í Holtagörðum sem ég verð bara að segja ykkur aðeins frá.
Heildasalan verður opin frá 28.september – 4.nóvember en hún verður á 1.hæði í Holtagörðum hliðiná Bónus.
Lagersalan verður opin á eftirfarandi tímum:
Alla virka daga frá 12-18
Laugardaga frá 12-17
Sunnudaga frá 13-17
Á lagersölunni verður fjöldinn allur af flottum vörumerkjum og því tilvalið að nota tækifærið og kaupa nokkrar jólagjafir… nú eða bara kaupa gjöf handa sjálfum sér (skemmtilegustu gjafirnar hihi)
Boðið verður uppá vörur frá mörgum þekktum vörumerkjum eins og Bitz, Södahl, Rosti, Pyrex, Nuance, Westmark, Sveico, Amefa og Rug Republic.
Ég fékk að kíkja á lagersöluna í gær og sjá hvað væri í boði og ég varð sko ekki fyrir vonbrigðum – frábær verð á ótrúlega flottum vörum. Ég náði að versla helling fyrir heimilið og meira að segja smá jólaskraut !
Það sem ég var mest að skoða voru þessar frábæru skálar frá Rosti – þetta er eiginlega skyldueign á hverju heimili finnst mér. Mig er búið að dreyma um að eiga þessar skálar í öllum stærðum síðan ég flutti að heiman ! Þetta eru harðplastskálar með gúmmi á botninum svo þær renna ekki til þegar þú ert að nota þær. Þær koma í mörgum litum og nokkrum stærðum og ég fékk mér að sjálfsögði eina í hverri stærð. Ég fékk mér líka lok á þessar minni enda algjör snilld að geta skellt loki á skálina til að geyma í ísskáp.
Iiitala hornið var svo að sjálfsögðu í miklu uppáhaldi hjá mér og ég var alveg í vandræðum með að kaupa ekki allt sem var í boði hahhah. Ég endaði á því að kaupa mér flotta iittala skál með loki sem ég ætla að nota til að bera smjör fram í þegar ég er með veislur 
Eins keypti ég mér flotta hliðardiska með hreindýri á sem ég ætla að nota í kringum jólin – sé alveg fyrir mér að nota þá þegar ég er með jólabrunch – ekkert smá krúttlegt.
Nýjum vörum verður bætt við reglulega svo það borgar sig að koma jafnvel oftar en einu sinni til að missa ekki af neinu. Ég er allavega strax farin að plana næstu heimsókn og þá ætla ég ekki að taka Emblu með svo ég hafi nægan tíma til að gramsa og skoða. Ég hvet ykkur til að kíkja og gera frábær kaup á flottum vörum !
Þessi færsla er gerð í samstarfi við Ásbjörn Ólafsson.
